म्हतारपणात बाबा बावचाळला.! पत्नीला पॅरलेस असल्याचे सांगून मैत्रीशीवर केला अत्याचार.! गुन्हा दाखल, त्याला ठोकल्या बेड्या.!

 सार्वभौम (संगमनेर) :- 

                        संगमनेर शहरात इंदिरागल्ली परिसरातील एक पुरुष व एक विधवा महिलेची मैत्री झाली. आणि त्याचे रूपांतर नकळत  प्रेमात झाले. नंतर, यांनी एकमेकांशी लग्न करण्याचे ठरविले मात्र, या पुरुषाने पीडित विधवा महिलेवर चार वर्षे वेळोवेळी  अत्याचार करून  तिला अचानक लग्नास नकार दिला. ही घटना 10 मे 2021 रोजी पुर्वी घडली. मात्र, आपल्यावर अत्याचार आणि अन्याय झाला असुन आपली फसवणुक झाल्याचे लक्षात येताच पिडीत महिलेने संगमनेर शहर पोलीस ठाण्यात 26 सप्टेंबर रोजी फिर्याद दाखल करून गुन्हा नोंदवला आहे. याप्रकरणी वेणुनाथ वामन ठोंबरे (रा. इंदिरागल्ली, ता. संगमनेर) याच्यावर गुन्हा दाखल करण्यात आला आहे.

                याबाबत सविस्तर माहिती अशी की, पिडीत महिला व आरोपी वेणुनाथ ठोंबरे हे एकाच परिसरात राहीला असल्याने त्यांची ओळख झाली. त्यामुळे, ये-जा होत असताना त्यांची ओळख मैत्रीत रूपांतर झाली. पण, पिडीत महिलेचा पती 24 मे 2015 रोजी मयत झाले होते. त्यांना दोन आपत्य होती. ते  बाहेर गावी राहत असल्याने पिडीत महिला एकटी राहत होती. आरोपी वेणुनाथ ठोंबरे याने याच एकट्यापणाचा फायदा घेत मैत्री वाढवली. त्यांची जेव्हा-जेव्हा भेट होत होती तेव्हा आरोपी वेणुनाथ ठोंबरे हा वारंवार म्हणत असत की, माझ्या पत्नीला पॅरालेसीस झाला असुन ती काहीच काम करू शकत नाही व हालचाल देखील करू शकत नाही. त्यामुळे, तिची सेवा करण्यासाठी व आमची देखभाल करण्यासाठी पत्नीच्या संमतीने तुझ्याशी लग्न करणार आहे. तसेच तू देखील विधवा आहे त्यामुळे तुला भविष्यासाठी एक चांगला जोडीदार आवश्यक आहे.  आपण माझ्या घरातील लोकांच्या संमतीने लग्न करू अशी भावनिक साद पीडित महिलेला घातली.

           दरम्यान, पीडित महिलेला लग्नाचा शब्द दिला म्हणल्यानंतर या दोघांचा एकमेकांवर विश्वास वाढला.  पिडीत महिला घरात एकटीच राहत असल्याने आरोपी वेणुनाथ याने पीडित महिलेच्या घरात वेळोवेळी अत्याचार केला. आपण लवकरच लग्न करू असे सांगुन त्यांच्यात 2017 ते 10 मे 2021 पर्यंत वारंवार शरीरसंबंध होत राहिले. त्यानंतर तिने लग्नाची मागणी केली असता त्याने लग्नास टाळाटाळ करण्यास सुरवात केली.या दरम्यान देखील तिच्याशी वारंवार संबंध ठेऊन तिची वारंवार दिशाभुल करून फसविण्याचा कट रचत राहिला. पीडित महिलेच्या हे लक्षात येताच तिने आरोपी वेणुनाथ याची चौकशी केली असता समजले की, वेणुनाथच्या पत्नीस पॅरालेसीस किंवा इतर कोणताही आजार झालेला नाही. त्यामुळे,आरोपी वेणुनाथला जाब विचारायला गेले. तु मला का फसविले असे म्हणताच आरोपी वेणुनाथने पीडित महिलेला शिवीगाळ करून दमदाटी व मारहाण केली. तु जर आपले संबंध कोणाला सांगितले तर तुला जीवे ठार मारण्यास देखील मागे पुढे पाहणार नाही अशी धमकी देखील दिली. त्यानंतर, हा प्रकार पिडीत महिलेने  पोलीस ठाण्यात कथन केला. त्यानंतर तिच्या फिर्यादीनुसार संगमनेर शहर पोलिसांनी गुन्हा नोंदवून घेतला. त्यानंतर पुढे काही अनुचित प्रकार घडु नये म्हणुन पोलिसांनी तात्काळ खबरदारी घेत  वेणुनाथ ठोंबरे यास अटक केली आहे. या घटनेचा पुढील तपास सहाय्यक पोलीस निरीक्षक कोकाटे करत आहे.