उतावळा नवरा अन गुढग्याला बाशिंग.! ऑनलाईन लग्न ठरलं आणि लग्नाआधीच तो सुहागरात करायला निघाला, नवरीनेच केला नवरदेव गुन्हा दाखल, लग्न मोडलं.! अकोल्यातील प्रकार.!
सार्वभौम (अकोले) :-
ऑनलाईन विवाह नोंदणी अ‍ॅपवर लग्न जमले असता नवरा नवरीची पसंती देखील झाली, त्यांच्या लग्नाचा मुहूर्त देखील ठरला होता. मात्र, उरावळा नवरा अन गुढग्याला बाशिंग या म्हणीप्रमाणे नवरदेव लग्नापुर्वीच सासरवाडीला आला आणि नवरीच्या रुममध्ये घुसून तिच्याशी अंगलट करु लागला. मात्र, साहेब.! लग्न तर होऊद्या, असे म्हणत नवरीने विरोध केला असता हे साहेब फारच तापले आणि तेथून अपमाणित होऊन चालते झाले. त्यानंतर मात्र, लग्नास नकार देऊन त्यांनी संपर्क तोडून टाकला. हा प्रकार पीडित महिलेस खटकला आणि तिने थेट पोलीस ठाणे गाठत संबंधित व्यक्तीवर विनयभंग आणि लग्नाचे आमिष दाखविल्याचा गुन्हा ठोकला आहे. त्यामुळे, आता एकीकडे कपाळाला मंडवळ्या बांधणार्‍या नवरोबाच्या हाताला बेड्या ठोकाव्या लागणार आहे.
याबाबत सविस्तर माहिती अशी की, लॉकडाऊनमुळे अनेकांचे लग्न कोरोनाने प्रलंबित ठेवले आहे. त्यामुळे, कधी एकदाचे आपले लग्न होते आणि आपण मज्जा-हज्जा करतो असे अनेकांना झाले आहे. अर्थातच उरावळा नवरा आणि गुढग्याला बाशिंग असे प्रकार पहायला मिळत आहे. असाच एक प्रकार अकोले शहरात घडला आहे. एक घटस्पोटीत महिलेला लग्न करण्याची इच्छा झाली म्हणून त्यांनी ऑनलाईन विवाह नोंदणी अ‍ॅपवर आपली कुंडली रजिस्टर केली. सुदैव म्हणा की, दुर्दैव पण त्यांची गाठ पुन्हा एका मुर्खाशी पडली आणि आयुष्य पुन्हा नव्याने उभे करण्याचा प्रयत्न करत असताना पुन्हा तेच बे चे पाढे नशिबी पडल्याचे दु:ख दिसून आले.
त्याचे झाले असे की, अकोल्यातील एका महिलेने मॅट्रीमनी अ‍ॅपवर लग्नासाठी रजिस्टर केले होते. त्यात या महिलेशी नाशिक येथील सुधाकर हिरामण पगारे याच्यासोबत चर्चा झाली. दोघांमध्ये एकाने मध्यस्ती करीत दोन्ही कुटुंबांना एकत्र जोण्याचा प्रयत्न केला. यांनी एकमेकांची पसंती करण्यासाठी बैठक देखील घेतली आणि दोघांची मने जुळली असता लग्नाची तारीख देखील ठरली. 22 जून 2021 रोजी नाशिक येथे लग्नाचा मुहूर्त ठरला होता. पण, सुधाकर रावांना दम कसला. त्यांनी 18 जून 2021 रोजी नाशिकहून थेट अकोलेत आपले सासर गाठले आणि आपल्या भावी पत्नीशी चर्चा सुरू केली. मात्र, अवघ्या चार दिवसांचा कालावधी त्यांना लग्नाचे विघ्न निर्माण करुन गेला.
दरम्यान, ज्या दिवशी पगारे आला तेव्हा त्याने घराचा पाहुनचार घेतला आणि आपल्या होणार्‍या पत्नीच्या बेडरुमध्ये जाऊन नको नको ते अश्लिल चाळे करण्याचा प्रयत्न केला. अर्थात महिला ही घरंदाच असल्यामुळे तिने याला विरोध केला असता त्यांच्यात शाब्दीक बाचाबाची झाली. नाकाच्या शेंड्यावर राग आलेला पगारे तेथून चालता झाला. सगळे काही बोलणे होऊन देखील, लग्नाची तारीख ठरुन देखील याने लग्न करण्यास नकार दिला. ते कशाहुन तर लग्नापुर्वी याच्या म्हणण्यानुसार वागली नाही, म्हणून. त्यामुळे, पीडित महिलेस त्याचा राग आला. या प्रकारानंतर मानसिक दृष्ट्या खचलेल्या महिलेने अकोले पोलीस ठाण्यात अगदी निर्भिडपणे पुढे येत गुन्हा दाखल केला आहे.
दरम्यान, जग काय म्हणेल यापेक्षा होणारा पती जर अशा चुकीच्या पद्धतीने वागत असेल त्याला पती म्हणून स्विकारण्यात काय अर्थ आहे. उलट आपली पत्नी एक घरंदाज असून तिने आपल्या चुकीच्या गोष्टीला समर्थन केले नाही. याचा त्या आरोपीला गर्व व्हायला पाहिजे होते. उलट रागाच्या आवेशात त्याने अशा प्रकारचा निर्णय घेतला. हे चुक आहे. अशा प्रकारची प्रतिक्रिया महिला संघटनेच्या समुपदेशान केंद्रातील पी. एस. सोनवणे यांनी दिली आहे.
