अकोल्यात कोरोनाचा 12 वा बळी.! आज 6 ने संख्या वाढली.! कोणत्या गावात किती रुग्ण.! कोरोनाची गाव निहाय आकडेवारी.!
सार्वभौम (अकोले) :-
अकोले तालुक्यात कोरोनाची आकडेवारी दिवसेंदिवस वाढत चालली आहे. मात्र, त्याला आता प्रशासन जबाबदार आहे. असे म्हटले तर ते मुर्खपणाचे ठरेल. त्यामुळे, जोवर प्रत्येक नागरिक स्वत:ची, कुटुंबाची व सामाजाची काळजी घेत नाही. तोवर कोरोनाचा नायनाट होईल असे स्वप्न देखील कोणी पाहु नये. आज बोलबोल करता तालुक्यात 515 रुग्ण झाले आहे. तर आज धुमाळवाडी येथील एका 69 वर्षीय व्यक्तीचा मृत्यु झाला आहे. त्यामुळे, आता तालुक्यात मयतांची संख्या 11 वर गेली आहे. तर अॅक्टीव रुगणांची संख्या 125 असून 1.95 हा डेथरेट (मृत्युची सरासरी) आहे. आजवर जिल्हा रुग्णालयातून 97 तर खाजगीतून 22 अहवाल प्राप्त झाले आहेत. तसेच अकोल्यात रुग्ण बरे होण्याचे सरासरी प्रमाण 74.76 इतका आहे. तर 382 रुग्ण अगदी ठणठणीत होऊन घरी गेले आहेत.
आज अकोले तालुक्यात सहा रुग्णांची नव्याने भर पडली आहे. तर धुमाळवाडी येथे राहणार्या 69 वर्षीय व्यक्तीचा कोरोनाने मृत्यु झाला आहे. हा व्यक्ती गेल्या काही दिवसांपासून संगमनेर येथे अॅडमिट झाला होता. श्वसनाचा त्रास होऊ लागल्यामुळे त्यांना तत्काळ संगमनेरला हलविण्यात आले होते. त्याची माहिती स्थानिक प्रशासनाला नव्हती. मात्र, जेव्हा संगमनेरमध्ये त्यांची तपासणी केली असता त्यांचा रिपोर्ट पॉझिटीव्ह आला होता. त्यानंतर स्थानिक प्रशासनाला माहिती कळताच त्यांनी धुमाळवाडी परिसरात मयत व्यक्तींच्या संपर्कात जे आले होते त्यांची तपसाणी करून घेतली. त्यात अनेकजण पॉझिटीव्ह असल्याचे समोर आले होते. आज ज्या व्यक्तीस पहिल्यादा बाधा झाली होती. तो व्यक्ती मयत झाल्याची माहिती वैद्यकीय अधिकार्यांनी दिली.
तर अज अकोले तालुक्यात पुन्हा सहा रुग्ण मिळून आले आहेत. त्यात पाडाळणे येथे 25 व 33 वर्षीय तरुण तर ब्राम्हणवाडा येथे 56 व 64 वर्षीय पुरुष यांचे रॅपीड अॅन्टीजन टेस्टमध्ये रिपोर्ट पॉझिटीव्ह आले आहेत. तर आज खाजगी लॅबमधून दोन रिपोर्ट प्राप्त झाले आहेत. त्यात अकोले शहरात सारडा पेट्रोलपंपाच्या मागे 37 वर्षीय पुरुष व कुंभेफळ येथे 21 वर्षीच्या तरुणाला कोरोनाची बाधा झाली आहे.
आता अकोले तालुक्यात पाहिला रुग्ण लिंगदेव येथे सापडला होता तर दुसरा ढोकरीत आणि गेल्या कित्तेक दिवसानंतर शहराला बाधा झाली ती म्हणजे कारखाना रोडच्या माध्यमातून. त्यानंतर एक-एक गाव बाधित होऊ लागले. आता 191 गावांपैकी 57 गावांमध्ये कोरोनाचा शिरकाव झाला आहे. तर 134 गाव अजुनही कोरोनामुक्त आहे. तर आजवर ढोकरीत 7 रूग्ण, रेडे 16, लिंगदेव 6, पिंपळगाव खांड 4, वाघापूर 7, कोतुळ 46, धामनगाव पाट 3, समशेरपुर 15, पिंपळगाव निपाणी 2, विरगाव 3, जांभळे 6, बोरी 4, ब्राम्हणवाडा 43, काळेवाडी 1, केळुंगण 1, चाँदसुरज 1, देवठाण 17, अकोले शहर 127, चास 7, उंचखडक बु 4, लहित 8, कळंब 2, बहिरवाडी 7, राजूर 6, पेंडशेत 2, गोडेवाडी 3, नवलेवाडी 6, माणिकओझर 21, बदगी बेलापूर 1, निंब्रळ 5, औरंगपूर 2, शेरणखेल 15, चितळवेढे 1, पैठण 1, टाहाकरी 1, कळस बु 9, सुगाव 1, मोग्रस 2, बांगरवाडी 2, इंदोरी 11, म्हाळदेवी 5, धामनगाव आवारी 3, खिरविरे 2, पिसेवाडी 1, विठा 1, हिवरगाव आंबरे 30, मनोहरपूर 18, कुंभेफळ 2, मेहेंदुरी 6, कोहणे (विहीरे) 1, खानापूर 5, अंभोळ 2, जामगाव 1, अंबड 1, गणोरे 1, पाडाळणे 2, अशा 509 रुग्नांची नोंद आरोग्य विभागाच्या नोंदवहीत करण्यात आली आहे.
* काय करावे?
*तोंडाला मास्क लावा
*शक्यतो बाहेर पडणे टाळा
*गर्दीची ठिकाणे टाळा
*सॅनिटायझरचा वापर करा
*दोघांत योग्य अंतर ठेवा
*बोलताना,शिंकताना काळजी घ्या
*लहान वृद्धांना सांभाळा
*प्रशासनाचे नियम पाळा
*बाधित व्यक्तींना धिर द्या
* संरक्षण म्हणून काय कराला
*शक्यतो कोमट पाणी प्या
*शंका वाटल्यास वाफ घ्या
*सकस आहार कायम ठेवा
*काढा पिण्याची सवय ठेवा
*खाण्यात थंड पदार्थ टाळा
*डॉक्टरांशी बोलून निरसन करा