अकोले शहरात एकामुळे सात जणांना कोरोनाची बाधा! चास येथे नवा रूग्ण! 45 अहवालांकडे लक्ष!
सार्वभौम (अकोले) :
अकोले शहराला कोरोना आता एकामागूण एक धक्के देत आहे. रात्री उशिरा आलेल्या अहवालानुसार शहरात पुन्हा तीन रुग्ण मिळून आले आहेत. त्यामुळे तालुक्यात एकच खळबळ उडाली आहे. जो पहिला रुग्ण मिळून आला होता. त्यांच्या सानिध्यात असणारे तीन रूग्ण यापुर्वी मिळुन आले होते. त्यांच्या पाठोपाठ आता पुन्हा तीन रूग्ण मिळून आले आहेत. हे असे असले तरी जे नव्याने तिघे मिळून आले आहेत ते यापुर्वीत प्रशासनाने क्वारंटाईन केले आहेत. त्यामुळे त्यांच्यापासून कोणाला बाधा होईल असे फारचे चित्र दिसून येत नाही. मात्र, काल जे तिघे कोरोना बाधित आले होते. त्यांच्या सानिध्यात असणार्यांचा शोध घेऊन किमान त्यांना होमक्वारंटाईन करणे गरजेचे आहे. आता शहरात एक मयत तर एकूण सात रूग्ण कोरोनाबाधित झाले आहे. या पलिकडे तालुक्यातील चास येथे एक कोरोना बाधित रुग्ण मिळून आला आहे. तर अद्याप 45 जणांचे स्वॅब येणे बाकी आहे.
- आकाश देशमुख
