संगमनेरात 22 तर अकोल्यात दोन रुग्ण! 24 तासात 151 कोरोना बाधित!


सार्वभौम (संगमनेर) :- 
                     संगमनेरमध्ये कोरोनाचे आज पुन्हा 22 रुग्ण मिळून आले आहेत. त्यामुळे ही संख्या 478 वर गेली आहे. तर 18 जणांचा मृत्यू झाला आहे. ही संख्या एकाट्या संगमनेराची आहे. त्यामुळे कोरोनाची घोडदौड पाचशेकडे सुरू झाली आहे. विशेष म्हणजे ही संख्या पाहिल्यानंतर ती एखाद्या जिल्ह्याची आहे की काय! असे तुम्हाला वाटेल. मात्र, ती निव्वळ एका तालुक्याची आहे. त्यामुळे येथील नागरिकांमध्ये एक प्रकारचे संभ्रमाचे वातावरण निर्माण झाले आहे. तुम्हाला एक बाब विशेष वाटेल की, पंचायत समितीच्या समोर एक कोरोनाचा रुग्ण मिळून आला आहे. मात्र, तेथे कोणताही झोन नाही, त्याच्या अगदी शेजारीच गाड्यांचे शोरुम आहे. ते बिन्धास्त सुरू आहे. या कोरोना बाधित व्यक्तीच्या घरात झेरॉक्स मशिन आहे. फक्त तेव्हढ्या दुकानाला दोरी बांधण्यात आली आहे. बाकी नो कंटेनमेंट आणि नो बफर झोन. हा असाच भोंगळ कारभार नगरपालिकेचा सुरू असल्यामुळेच कोरोनाचा प्रादुर्भाव संगमनेरात अवाजवी होत चालल्याचे दिसत आहे. असे सुज्ञ नागरिकांना वाटते आहे.
                   आता संगमनेर येथे 22 रुग्ण मिळून आले आहेत. त्यात दाढ खु येथे 1, गुंजाळवाडी पठार (1), जेधे कॉलनी संगमनेर (1), मालदाड रोेड (2), जनतानगर (2), नवीन नगर रोड, गणेश नगर (2), वाघापूर (1), (1), कासार दुमाला (9), पद्मानगर (1), भारत नगर (1), असे संगमनेरात 22 रुग्ण मिळून आले आहेत. तर अकोले तालुक्यात देखील दोन रुग्ण मिळून आले आहेत. मात्र, तेे कोण? याची माहिती अद्याप प्रशासनाला मिळालेली नाही. त्यामुळे तालुक्यातील जनता संभ्रमात पडलेली दिसून आली आहे. 
                    तर नगर जिल्ह्यात गेल्या 24 कोरोना टेस्ट लॅब, अँटीजेन चाचण्यांत आणि खाजगी प्रयोगशाळेत एकूण 151 कोरोना बाधित मिळून आले आहेत. कोरोना टेस्ट लॅबमध्ये 90 जणांचे अहवाल बाधित आढळले. अँटीजेन चाचणीमध्ये 08 जण बाधित आढळले तर खाजगी प्रयोगशाळेत केलेल्या अहवालात पॉझिटिव्ह आढळून आलेल्या आणि आयसीएमआर पोर्टलवर नोंद झालेल्या 53 रुग्णांची नोंद एकूण रुग्ण संख्येत घेण्यात आली. यामुळे उपचार सुरू असलेल्या एकूण रुग्णांची संख्या आता 1 हजार 337 इतकी झाली असून बरे झालेल्या रुग्णांची संख्या 1 हजार 84 इतकी आहे. जिल्ह्यात एकूण रुग्ण संख्या आता 2 हजार 771 इतकी झाली आहे.
       दरम्यान बाधित आढळून आलेल्या रुग्णामध्ये  नेवासा (3):- नेवासा फाटा (1), सोनई (2),
भिंगार (26) :- ब्राम्हणगल्ली (3), नेहरुचौक (3) माळीगल्ली (2) गवळीवाडा (4),कुंभारगल्ली (1), घासगल्ली (1), मोमिनगल्ली (1), विद्याकॉलनी (1), शुक्रवार बाजार (2), कँटॉनमेंट चाळ (1), सरपनगल्ली (3), पंचशिल नगर (1), काळेवाडी (1), आंबेडकर कॉलनी (1), भिंगार (1), राहुरीत (07), वरवंडी (2), वांबोरी (1), राहुरी (1), राहुरी बु. (1), देवळाली (1), कात्रड (1), कोपरगाव (1)- रवांदे (1), अकोले (06)- पेंडशेत (1), धुमाळवाडी (1), बहिरवाडी (3), देवठाण (1), पारनेर (01) - कान्हुर पठार, नगर शहर (08) - एचडीएफसी बँकेजवळ (2), केडगाव (2), बागडपट्टी (1), भवानीनगर (1), प्रेमदानचौक (1),  शहर मध्यवस्ती (01), नगर ग्रामीण (11)- टाकळी खातगाव(1), बु-हाणनगर (2), विळद (6), निंबळक 2, शेवगाव (5)- थाटे 3, शेवगाव शहर 02, कर्जत (01) - राशीन, श्रीगोंदा (06)- काष्टी 01, बन-पिंपरी 02, कोळगाव 03 राहता (01)- गोळगाव, श्रीरामपूर (02) - मुळा प्रवरा टांगे गल्ली (1) नरसाळी (1), संगमनेर (12)-  दाढ खु. (1), गुंजाळवाडी पठार (1), जेधे कॉलनी संगमनेर (1), मालदाड रोेड (2), जनतानगर (2), नवीन नगर रोड, गणेश नगर (2), वाघापूर (1), (1), कासार दुमाला (9), पद्मानगर (1), भारत नगर (1), असे संगमनेरात 22 रुग्ण मिळून आले आहेत.