संगमनेरात भर दिवसा महसुलने पोलिसास काठीने मारले, ते ही वर्दीवर! तो बिचारा एकटा पडला! पण..
सार्वभौम (संगमनेर) :
राज्यात एकीकडे पोलीस कोरोना होऊन मृत्युमूखी पडत आहे. तर अडिच हजार पोलिसांचे प्राण पणाला लागले आहे. एकीकडे गृहमंत्री पोलिसांना सांगत आहे काठ्यांना तेल लावून ठेवा, इतकेच काय फक्त प्रेम पत्रासारखे गोडगोड बोलुन कागदाहून संवाद साधतात तर दुसरीकडे महसूल खात्याचाच पोलिसांवर हल्ला होऊ लागला आहे. ते ही महसूल मंत्र्याच्या तालुक्यात. ही किती मोठा विरोधाभास आहे. कारण, संगमनेर शहरासारख्या ठिकाणी महसुलच्या गाठीवर ड्रायव्हर असणारे व्यक्ती, कोतवाली आणि तलाठ्या सारखा व्यक्ती पोलीसावर हात उचलु शकतो. हे घडो जाणे केवळ संगमनेरात. त्यामुळे येथे खरोखर पोलीस खात्याचा धाक राहिला नाही की, महसूल खाते स्वत:ला बाहुबली समजू लागले आहेत. हेच काळेनासा झाले आहे. या सर्वांमध्ये दुर्दैव असे की हा पोलीस कर्मचारी मुख्यालयातील पाहुणा असल्यामुळे त्याचे कोणी परसेना झाले आहे. त्यामुळे, स्वत:ला कायद्याचे पंडीत समजणारे व्यक्तीमत्व देखील खात्याच्या पाठीशी नाहीत की काय? असा प्रश्न उपस्थित होत आहे.
गेल्या काही वर्षापुर्वी तत्कालिन पोलीस अधिक्षक कृष्णप्रकाश हे व्यक्तमत्व जिल्ह्यात होऊन गेले. एकदा श्रीरामपूर येथे काही गुंडांनी पोलिसांवर हल्ला केला होता. त्यावेळी स्वत: साहेबांनी रस्त्यावर उतरुन भर चौकात त्यांना अगदी चित्रपटाला देखील लाजवेल असा धडा शिकविला होता, त्यांच्यानंतर लखमी गौतम यांच्या काळात पिन्या कापसे व बापु विघ्ने या गुन्हेगारांनी दिपक कोलते या पोलिसाचा जीव घेतला होता. त्यावेळी त्यांनी फार मोठी खंत व्यक्त केली होती. माझी काळात माझ्या वर्दीवर कोणी हात उचललेला मी खपवून घेणार नाही. असे म्हणत त्यांनी एका आमदाराला कार्यालयाच्या बाहेर काढले होते. त्यांच्या पाठोपाठ रंजनकुमार शर्मा यांनी पोलिसांच्या उन्नतीसाठी प्रचंड मेहनत घेतली, एकवेळी कायदा व सुव्यवस्था बिघडली तरी चालेल. मात्र, पोलिसांच्या घरी चांगली दिवाळी झाली पाहिजे असे अनेक खाकीप्रेमी अधिकारी होऊन गेले. तसेच पोलीस उपाधिक्षक नगर शहरात बजरंग बनसोडे यांनी देखील कर्मचार्यांवर हात उचलला म्हणून स्वत: खमकी भुमिका घेत क्लेला ब्रुस मैदानावर त्यांनी खाकीसाठी जंग छेडली होती.
या प्रकारामुळे एकतर महसूल आणि पोलीस यांच्यातील अंतर्गत घुसमट बाहेर पडली आहे. जर पोलिस खात्यावर मार खायची वेळी आली आणि त्यांच्या पाठीशी कोणी उभे राहिले नाही तर त्यांचे मनोबल कसे वाढणार आहे? त्यामुळे, हो जो प्रकार झाला आहे. त्याची माहिती मुख्यालयात आरपीआयला कळविण्यात आली आहे. मुख्यालयातील प्रत्येकाची जबाबदरी आरपीआची आहे. त्यामुळे त्यांनी स्वत: एसपी साहेबांकडे तक्रार करुन संबंधित पोलीस कर्मचार्याच्या पाठीशी उभे राहणे गरजेचे आहे. अन्यथा आज पोलीस कोविडशी लढून खचले आहेत. त्यांचे कौटुंबिक अस्थिरता वाढली आहे. अशाच असे मारहाणीचे प्रकार गप्प सहन करायचे असेल तर खात्याच्या नोकर्या करायच्या की नाही? असा प्रश्न अनेकांसमोर उभा राहू शकतो. त्यामुळे, पोलिस अधिक्षकांकडून काही नको.! केवळ भिऊ नको, मी तुझ्या पाठिशी आहे. असे म्हणून लढ म्हणावं इतकीच मापक अपेक्षा कर्मचार्यांची आहे.
भाग 1 क्रमश:
