"खासदार" गेला "कुण्या" गावा, "सैनिकांनो" शोध त्यांचा "लावा"..!! "मिस्टर इंडिया लोखंडे झाले ट्रोल..!!
नगर दक्षीणचे खासदार उत्तरेत प्रचलित आहे. परंतु, उत्तरेला देखील खासदार आहेत. असे कोणी म्हणताच दोन कानाखाली खाल्ल्या तर वाईट वाटू देऊ नका. कारण, गेली पाच वर्षे "खासदार हरविला" आहे. अशा बातम्या माध्यमांना येऊन देखील तोच व्यक्ती पुन्हा खासदार म्हणून निवडून येतो आणि पुन्हा गायब होतो. हे शिवसैनिकांचे दुर्दैव नाही का ? असा प्रश्न जनतेला पडतो आहे. एकीकडे अकोल्यात वैभव पिचड यांनी खासदाराला ३१ हजारांची "पिछाडी" दिली. त्यांच्याकडे दुर्लक्ष केले. तेथे गैर काहीच वाटत नाही. परतु, ज्या संगमनेरात बलाढ्या थोरातांच्या बालेकिल्ल्यातून शिवसैनिकांनी सात हजारांचे लिड दिले. तेथे खासदार डोकून पहात नसतील तर भगव्यात संताप सहाजिक आहे. खरंतर ना. विखेंच्या वरदहस्तेचे हे पार्सल जनतेला नको होते त्यामुळे, त्यांना मतदान केले कोणी आणि ते निवडून आले कसे. असे प्रश्न जनतेच्या मनात आजही घोळत आहे. लाट नाही, विकासांचा घाट नाही. तरी हा रिकामा थाट कोणाच्या आशिर्वादाने ? हेच कळायला तयार नाही. त्यावेळी अनेकांच्या शंका "इव्हीएम"वर बळावल्या. मात्र, त्या "अर्थशुन्य" ठरल्या. मागिल पाच वर्षात हे महोदय "कार्यक्षम" दिसले नाही. बाबांचे दर्शन सोपे इतके साहेबांचे दर्शन दुर्मिळ झाले होते. मात्र, अखेरच्या सहा महिन्यात त्यांनी भाषणांच्या जोरावर जनतेला भरमसाठ आश्वासने दिली आणि ते पुन्हा संसदेच्या रांगेत बसले. आज, विधानसभेचा "फड" गाजवायची वेळ आली. तर, त्यांचे "आवाज" बसले की काय ? असे प्रश्न उपस्थित होऊ लागले आहे. या सगळ्या प्रश्नांच्या गर्भात संगमनेरमध्ये लोकसभेत मिळालेले लिड हे शिवसैनिकांचे की थोरातांच्या अंतर्गत सलोख्याचे ? हा प्रश्न देखील जनतेला शंकेच्या "गुदगुल्या" करीत आहे. खा. लोखंडे यांचे "मौन" म्हणजे लोकसभेचे विधानसभेला "साटेलोटे" फेडायचे काम सुरू आहे की काय ? असा सवाल संगमनेरकरांच्या मनात घोळत आहे. त्यामुळे साहेब गेले कुण्या गावा, सैनिकांनो कोणी शोध त्यांचा लावा. अशी मिश्किन टिका त्यांच्यावर होऊ लागली आहे.
 |
शांततेत "क्रांती" |
 |
नाव खराब केलं राव यांनी !! |
जिल्ह्यात शिवसेनेकडे राहिलेल्या मतदारसंघात तारेवरची कसरत दिसत आहे. संगमनेरात ३५ वर्षांची निर्विवाद सत्ता असलेले थोरातांना शह देण्यासाठी खा. लोखंडे यांना कार्यकर्त्यांनची मोट बांधण्यात अपयश आल्याचे दिसते आहे. मागील पाच वर्षात सेनेची ताकद उभी करून संगमनेर आखाड्यात थोरतांना चितपट करेल असा पहिलवान तयार करायला हवा होता. परंतु, खा, लोखंडेंकडे ते कौशल्या असल्याचे दिसून आले नाही. परंतु, एकीकडे गृहनिर्माण मंत्री राधाकृष्ण विखे यांनी संगमनेरमध्ये स्थानिक थोरात विरोधी नेत्यांनचे अंतर्गत "शीतयुद्ध" मिटवत, सर्वांना एकत्र करून एकास-एक उमेदवारीचा लढा उभारला आहे. विखे पाटील यांनी नेहमी संगमनेर मधील भाषणांमध्ये वाळुमाफिया, ठेकेदार, एमआयडीसी, निळवंड्याचे पाणी, या मुख्य विषयांना हात घालून ही उमेदवारी प्रतिष्ठेची केली आहे. त्यांनी संगमनेरात काही "फासे" टाखले आणि थोरतांचे निकटवर्तीय त्यांच्या गळाला लागले.
 |
घ्या संभाळू ऐवढी टर्म |
-- सुशांत पावसे
(संगमनेर प्रतिनिधी)===============
"सार्वभाैम संपादक"
Rajratna.sagar@gmail.com
-------------
(देशात, राज्यात व तालुक्यात होणाऱ्या राजकीय, सामाजिक, आर्थिक व गुन्हेगारी विषयाचे विश्लेषण करणारे एकमेव "सार्वभौम पोर्टल" ८० दिवसात १६२ लेखांचे ९ लाख २० हजार वाचक)
