"विरोधकांनी" डोळे "झाकून" ओरडून बोलण्यापेक्षा, डोळे "उघडून" विकास पहावा..!!
प्रथमत: माझ्या तमाम "अकोलेकरांना" सप्रेम नमस्कार..! ज्या विरोधकांनी आज माझ्यावर "बिनबुडाचे" आरोप करून "गलिच्छ शब्दप्रयोगाने जनतेची दिशाभूल करू पाहिली. तरी देखील जी जनता माझ्यावर उदात्त अंत:करणाने प्रेम करते आहे. मला पदरात घेत आहे. त्या "मायबापांना" त्रिवार वंदन. मी कसा "घडलो" यापेक्षा मी जनतेसाठी कसा "झटलो" हे सांगण्यात मला जास्त आनंद होईल. सन २००२ साली मी राजकारणात पहिले पाऊल टाकले. "जनतेच्या आशिर्वादाने" निवडून गेलो आणि प्रथमत: समाजकल्याण सभापती पदावर काम करण्याची संधी मला मिळाली. मी माझे "सुदैव" मानतो. की, मला पहिल्याच पावलात "समाज्याचे कल्याण" करण्यासाठी "सुदैवाने" संधी मिळाली. त्याचे "फलित" म्हणून जो उपेक्षित "बेरोजगार" समाज होता. त्यांच्यासाठी शासनाकडून "अॅपे रिक्षा" उपलब्ध करून अगदी खचलेल्या कुटुंबांना उभे करण्याचा यशस्वी प्रयत्न केला. अपंग व अनाथ व्यक्तींसाठी टपरी देणे, स्वयंपुर्तीसाठी निधी देणे अशा छोट्या-मोठ्या योजना तालुक्यासह जिल्हाभर राबविल्या. यातून उघड्यावरची हजारो कुटुंब स्वत:च्या पायावर उभी राहिली. आणि कालचे विरोधक "तोंडाचे भांडवल" करून विचारतात यांनी काय केलं ? आजवर पिचड साहेब आणि मी जे काही केलं आहे. त्याच बळावर जनतेने आम्हाला पदरात घेतले आहे. नुसता "बोलाचा भात आणि बोलाचीच कढी़" असा "उपद्रव" कधीच केला नाही. मी समाज्याचा "विकास" करताना कधी कोणाची "जात" पाहिली नाही. "छत्रपतींच्या स्मारकापासून" तर "दलित वस्तींच्या निधीपर्यंत" जीतका कस मला लावता आला. तितक्या कसोशीने प्रयत्न मी केला. पण, कधी सत्ता आड आली तर कोठे निधी. त्यामुळे तालुक्याला जे काही मिळेल. ते थोडं-थोडं देण्याचा मी प्रयत्न केला आहे.
विरोधकांना आमची "चांगली कामे" कधीच दिसली नाही. काय केलं हे प्रश्न ते सहज उत्तरीत करतात. मात्र, "चांगल्या कामांचे" कौतुक करतील. ते "विरोधक" कसले. मला चांगले आठवते आहे. २००१ साली तालुक्यात पाणी-पाणी झाले होते. ओला दुष्काळ पडला होता. जनावरांना चाऱ्याचा प्रश्न पडला होता. आदिवासी भागात अगदी "आणिबानीचा काळ" ओढावला होता. त्यावेळी, साहेब ठाणे जिल्ह्याचे "पालकमंत्री" होते. अगदी मिळेल तेथून चारा, धान्य आणि मुलभूत गरजांचा पुर्तता अगदी तत्काळ आणि मोफत उपलब्ध केली होती. जो प्रत्यक्षात काम करतो. त्याला त्यामागील वेदना माहित असतात. पण, आज विरोधकांचे झाले असे की, "उचलायची जीभ, अन् लावायची टाळुला". पिचड घराण्यावर "अभद्र" बोलायचे आणि जनतेची डोकी "भडकवून" द्यायचे. "सत्तेसाठी" अशा "कुटनितीचे" राजकारण होत असेल. तर अशा "प्रवृत्ती" इतकी "दुर्दैवाची" बाब कोणतीच नसेल.जेव्हा मी "राष्ट्रवादीत" होतो. तेव्हा "पक्षनिष्ठा" म्हणून अगदी तळागाळात पक्षाची "मुळे" रुजविली. जनतेने "पक्षावर" नाही. तर, व्यक्तीश: "विकासावर" प्रेम केले आहे. म्हणून जनतेला "आत्मियता" आहे. जेव्हा माझ्यावर लोकसभेची जबाबदारी टाकली. तेव्हा सहा तालुक्यात दोन्ही वेळी हजारो मताधिक्याचे लिड दिले आहे. तर मी स्वत: २०१४ च्या निवडणुकीत चांगल्या फरकाने निवडून आलो. त्यामुळे जनतेनेे आम्हाला नाकारले. असे जर कोणाला वाटत असेल. तर, तो गोड गैरसमज त्यांनी काढून टाकावा. या वर्षी देखील ५० हजार लिड देऊन, जनला मला विधानसभेत पाठवेल. असा मला "विश्वास" आहे.
 |
हे बोलतात ते बरोबर आहे !! |
आपला
- वैभव पिचड
क्रमश: भाग १, उद्या सकाळी
उद्या दि.१९ आॅक्टोंबर रोजी सकाळी ११ वाजता देशाचे गृहमंत्री अमित शहा हे आयटीआय मैदानावर येणार आहेत. तरी महायुतीचे घटकपक्ष व मतदार बंधू भगिनींनी उपस्थित रहावे अशी विनंती वैभव पिचड साहेब यांनी केली आहे.
-- सागर शिंदे
===============
"सार्वभाैम संपादक"
Rajratna.sagar@gmail.com
-------------
(देशात, राज्यात व तालुक्यात होणाऱ्या राजकीय, सामाजिक, आर्थिक व गुन्हेगारी विषयाचे विश्लेषण करणारे एकमेव "सार्वभौम पोर्टल" ८० दिवसात १६१ लेखांचे १० लाख वाचक)
