...तर अकोल्यातून शिवसेना कायमची संपेल..! सतिश नवलेंचे शिवसैनिकांना पटेल असे मत.!
 |
सतिश नवले |
प्रिय "शिवसैनिक" मित्रांनो.!
"जय महाराष्ट्र, जय शिवराय"
मला माहित आहे. मी विचारांनी फारसा "प्रगल्भ" नाही. मात्र, तितका "अज्ञान" देखील नाही. हे ही तितकेच खरे आहे. ज्या "वंदनिय" बाळासाहेबांनी "घनदाट" जंगलातल्या "वाघासारखी डरकाळी" फोडून गावा-गावात जे "छावे" तयार केले. त्यांची "सर्कशितल्या वाघांसारखी" आवस्था होताना मला पाहवत नाही. होय..! मला माहित आहे. मी एक जबाबदार व्यक्ती आहे. त्यामुळे, अनेक शिवसैनिकांना ही असली वाक्य रुचतीलही. पण, "भाजप" आणि "राष्ट्रवादीच्या" नादानं आपले "शिवसैनिक" वापरले जातील. आणि कालच्या "कम्युनिष्ट" (सीपीआय) चळवळीसारखी उद्या "शिवसेना" देखील संपून जाईल. हे उद्याचे "वास्तव" आज डोळ्यासमोर दिसत आहे. गेली अनेक वर्षे आपण तालुक्यात संघर्ष करून भगवा उभा केला. पण, आज तीच ताकद विभागलेली दिसून येत आहे. कदाचित, उद्या कोणी काळाच्या ओघात "घड्याळ" पसंत करेल तर कोणी "कमळ". पण, नकळत या तालुक्यात पुन्हा कधीच "वाघाची डरकाळी" कानी पडणार नाही. याची मला "भिती" वाटते आहे. कारण, हा सतिश नवले "राजकारणी" नाही. तर "निष्ठावंत शिवसैनिक" नक्कीच आहे. गेली कित्तेत दिवस मी "मनाला" आवर घातला होता. पण, "परिवर्तनाच्या" नावाखाली "शिवसैनिकांचे वेशांतर" होईल. यावर मी "ठाम" झालो आहे. म्हणून "अबोल" शब्दांना मी "बोलते" करतो आहे.
 |
याला म्हणतात निष्ठा !! |
आज गावा-गावातील "शिवसैनिक" नाराज आहे. त्यांना दोनच गोष्टी माहित आहे. एकाला पाडणे आणि दुसऱ्याला निवडून आणणे इतकेच डोक्यात आहे. पण, या दोघांच्या नादात शिवसेना संपून जाऊ शकते. हे तुम्ही विसरू नका. असे झाले. तर, स्वार्गीय "बाळासाहेब" तुम्हाला माफ करणार नाही. एक गोष्ट लक्षात ठेवा. "शिवसेना" जिवंत ठेवण्यासाठी ४७ हजार "शिवसैनिकांनी" कधी अशोक भांगरे यांना साथ दिली. तर, कधी मधुकर तळपाडे यांच्या पाठीशी ऊभे राहुन "जय भवानी, जय शिवाजींचा" नारा देऊन "सह्याद्री" हलविला आहे. त्यामुळे कोणी "पिचड" घराणे हे आपले वैर नाही. तर, पहिली "पक्षनिष्ठा", नंतर "व्यक्तीप्रेम" म्हणून, आज जे "शिवसैनिक" पिचड साहेबांच्या सोबत आहेत. ते उद्या युती तुटली. तर, तत्वाने बाहेर पडतील आणि त्याच जोमाने पुन्हा प्रस्तापितांशी शह देतील. पण, यदा कदाचित आज जे "कट्टर शिवसैनिक" राष्ट्रवादीत गेले आहेत. ते पुन्हा शिवसेनेत येणार नाहीत. हे चित्र यश अपयशात सिद्ध होईल. स्पष्टच सांगायचे ठरले. तर, डॉ. लहामटे निवडून आले. तर, तालुक्यात आज जी ५० टक्के शिवसेना आहे. ती २० ते २५ टक्क्यावर येईल. याच उलटपक्षी वैभव पिचड निवडून आले. तर, एकही शिवसैनिक कमी होणार नाही. ऐनवेळी पुढील पंचवार्षीकला भाजपला शह द्यायची वेळ आली. तरी, काट्याची टक्कर देऊन अकोल्यात भगवा फडकविण्याची ताकद कायम राहु शकते. म्हणून पक्ष मोठा. की, भगव्याची अस्मिता !!, बाळासाहेब मोठे. की, निष्ठा आणि अकोल्यात भगवा सन्मानाने फडकवायचा की पाडायचा..!! हे आपणच ठरवावे. असे मला वाटते. एकीकडे डॉ. बाबासाहेबांनी स्वातंत्र्य दिलय, तर दुसरीकडे बाळासाहेबांनी स्वाभिमान. त्यामुळे प्रत्येकाने आपापल्या परिने निर्णय घ्यावा. जशी आई आपल्या मुलास उध्वस्त होताना पाहु शकत नाही. तसे मला अकोल्यातून उद्याची शिवसेना उध्वस्त होताना दिसते आहे. म्हणून, मी जे काही मांडले आहे. ते अगदी, आत्मियतेने व्यक्त केले आहे. कारण, मला कोणाच्या "विजय आणि पराजयापेक्षा" माझा पक्ष श्वासाहुन प्रिय आहे.
 |
दोन सतिश एक निर्णय,
|
आता मी मच्छिंद्र धुमाळ व बाजीराव दराडे, मारुती मेंगाळ यांच्या वादात पडणार नाही. महेश नवले, माधवराव तिटमे यांच्यासह अनेकांवर शब्दांकन करणार नाही. पण, हो..!! इतक्या कठीण परिस्थितीत, सतिश भांगरे आणि मधुकर तळपाडे यांनी भुमिका भलेही शांततेची घेवो. पण, पक्ष आणि "भगव्याशी गद्दारी" केली नाही. म्हणून त्यांना जय महाराष्ट्र..!! मला खात्री आहे. तालुक्यातील शिवसेनेचा कम्युनिष्ट (सीपीआय) होऊ नये. यासाठी तळागाळातील "शिवसैनिक" मातोश्रीचा "आदेश" पाळेल. जीव गेला तरी भगवा खाली पडू देणार नाही.जय महाराष्ट्र
जय शिवराय
सतिश नवले (माजी शिवसेना शहरप्रमुख) यांची विशेष मुलाखत
-- सागर शिंदे
===============
"सार्वभाैम संपादक"
Rajratna.sagar@gmail.com
-------------
(देशात, राज्यात व तालुक्यात होणाऱ्या राजकीय, सामाजिक, आर्थिक व गुन्हेगारी विषयाचे विश्लेषण करणारे एकमेव "सार्वभौम पोर्टल" ८२ दिवसात १६४ लेखांचे ९ लाख ८२ हजार वाचक)
