संगमनेरात 42 रुग्ण बाधित तर अकोल्यात 12 पॉझिटीव्ह! देवठाण पाच दिवस गाव बंद.! मेहेंदुरीला नव्याने बाधा!
सार्वभौम (अकोले-संगमनेर) :-
संगमेनेर तालुक्यात कोरोनाचा प्रादुर्भाव दिवसेंदिवस वाढताना दिसत आहे. रोज 30 ते 40 च्या सरासरीने रुग्ण मिळून येत आहे. मात्र, जितके रूग्ण सापडतील तितके चांगले आहे. त्यामुळे येथील बाधितांपासून होणारा प्रदुर्भाव टळला जाणार आहे. आज देखील 42 रुग्णांची नव्याने भर पडली आहे. तर अकोले तालुक्यात देखील 12 रुग्ण मिळून आले आहेत. त्यामुळे अकोले तालुक्यात सव्वादोनशे तर संगमनेरात कोरोनाने अकराशेकडे वाटचाल केल्याचे दिसते आहे. ही अकडेवारी आता तोवर वाढती राहणार आहेे. जोवर प्रत्येक व्यक्ती स्वत:हून स्वत:ची व दुसर्यांची देखील काळजी घेत नाही. त्यामुळे कोरोनाला हरविण्यासाठी आता शासन आणि प्रशासन हे महत्वपुर्ण भुमिकेत काही तर प्रत्येक नागरिक हाच कोरोनाचा नायनाट करु शकतो हेच वास्तव आहे.
संगमनेर शहरात आज 31 रुग्ण रॅपीड अॅन्टीजन टेस्टमध्ये मिळून आले आहेत तर 11 रुग्ण जिल्हा रूग्णालयात कोरोना पॉझिटीव्ह मिळून आले आहेत. यात घुलेवाडी येथे चार, पिंपारणे येथे 3, चिंचोरी गुरव, वेल्हाळे, राजापूर, वडगाव पान, संगमनेर शहर आणि ग्रामीण अशा वेगवेगळ्या ठिकाणी असे 42 रुग्ण एकट्या संगमनेर तालुक्यात मिळून आले आहेत. आता एक गोष्ट सर्वसाधारण रित्या लक्षात आली आहे की, गेल्या काही दिवसांपुर्वी अगदी गल्ली बोळात सिंगल व्यक्ती कोरोना पॉझिटीव्ह मिळून येत होता. त्यामुळे ते फार घातक होते. आता मात्र ते प्रमाण फार कमी झाले आहे. आता एकाच वेळी सर्व कुटुंब बाधित होताना दिसत आहे. तर सामाजिक प्रदुर्भाव कमी होत चालल्याचे लक्षात येऊ लागले आहे. त्यामुळे संगमनेर तालुक्यासाठी ही अदखलपात्र का होईना परंतु काहीशी आनंदाची गोष्ट आहे.
