अकोले शहरातला पुन्हा बाधा! इंदोरी, निंब्रळ म्हळदेवी बाधित! तर संगमनेरात तब्बल 40 रुग्ण, पोलिसांना डिस्चार्ज.!
- शंकर संगारे
सार्वभौम (अकोले) :-
अकोले तालुक्यात इंदोरी परिसरात जो रूग्ण मिळून आला होता, त्याच्या संपर्कात आणखी दोन दोघा पतीपत्नी यांना कोरोनाची बाधा झाली आहे. तर एकजण निंब्रळ येथील असून अकोले शहरातील शिवाजी चौकात एक रुग्ण कोरोना बाधित मिळून आला आहे. या व्यतिरिक्त म्हळादेवी येथे देखील एका रुग्ण कोरोनाचा मिळून आल्याची माहिती डॉक्टरांनी दिली आहे. त्यामुळे अकोले तालुक्यात कोरोनाची संख्या 170 री पार करुन गेली आहे. त्यामुळे अकोल्यात बाधितांचे प्रमाण वाढते असून बरे होणार्‍यांची संख्या कमी होत चालली आहे.
तर संगमनेरात शहरासह तालुक्यात आज 40 रुग्णांची भर पडली आहे. त्यात रहेमतनगर, जाणतारोड परिसर, श्रमीकनगर, मालदाड रोेड येथे तीन अहवाल, धांदरफळ येथे एक महिला, आंबी खालसा येथील अहवाल पॉझिटीव्ह आले आहेत. तसेच शहरात मालदाड रोड, रंगारगल्लीत पाच, इंदिरानगर येथे चार, उपासनीगल्ली एक, चिखली एक, घुलेवाडीत सहा, नान्नज दुमारला येथे दोन, वडगाव पान येथे नऊ तर पोखरी येथे दोन असे 32 तर खाजगी प्रयोगशाळेतून 8 असे 40 जणांचे अहवाल पॉझिटीव्ह आले आहेत. त्यामुळे संगमनेरात कोरोना बाधितांची संख्या आता 909 वर जाऊन पोहचली आहे.
दरम्यान संगमनेरात कैद्यांच्या नंतर पोलिसांना कोरोनाची बाधा झाली होती. शहर पोलीस ठाणे, पोलीस उपाधिक्षक कार्यालय, आश्वी पोलीस ठाणे आणि शहर वाहतूक शाखा अशा 15 पेक्षा जास्त पोलिसांचे अहवाल पॉझिटीव्ह आले होते. मात्र, मोठ्या जिकरीने या पोलिसांनी कोरोनाशी केलेले युद्ध जिंकले आहे. शुर आम्ही सरदार आम्हाला काय कुणाची भित! असे म्हणत आज त्यांचा कोरोना अहवाल निगेटीव्ह आला आहे. त्यामुळे त्यांना रुग्णालयातून डिस्चार्ज देण्यात आला आहे.
दरम्यान कोरोनाचा प्रादुर्भाव रोखण्यासाठी जिल्हा प्रशासन आणि आरोग्य यंत्रणेने चाचण्यांची संख्या मोठ्या प्रमाणात वाढवली आहे. त्यामुळे बाधीत रुग्णांना शोधून त्यांच्यावर वेळेवर उपचार करणे शक्य होत आहे. आज जिल्ह्यात एकूण ७५७ रूग्ण आढळून आले. यात, जिल्हा रुग्णालय कोरोना टेस्ट लॅब ४८, अँटीजेन चाचणीमध्ये ४०२ आणि खाजगी प्रयोगशाळा तपासणीत ३०७ रूग्ण बाधीत आढळून आले आहेत. आतापर्यंत जिल्ह्यात कोरोना टेस्ट लॅब आणि अँटीजेन चाचण्यांच्या माध्यमातून ४५ हजार १७२ तपासण्या करण्यात आल्या आहेत. दरम्यान, सार्वजनिक ठिकाणी वावरताना आरोग्य विषयक नियमांचे पालन करण्याचे आवाहन जिल्हा प्रशासनाने केले आहे. दरम्यान, आज ७५७ बाधीत आढळून आल्याने आता उपचार सुरू असणाऱ्या रुग्णांची संख्या २ हजार ९७६ इतकी झाली आहे तर जिल्ह्यात आज ३८५ रूग्णांना डिस्चार्ज देण्यात आला आहे. त्यामुळे घरी सोडण्यात आलेल्या रूग्णांची संख्या आता ४ हजार ९६५ इतकी झाली असून रूग्ण बरे होण्याची टक्केवारी ६१.७५ इतकी झाली आहे.
