नगर जिल्ह्यातील काँग्रेसच्या आमदाराला कोरोनाची बाधा! जो काम करतो तोच बाधित होतो!
सार्वभौम (अकोले) :
नगर जिल्ह्यातील काँग्रेसच्या एका मा. आमदाराला कोरोनाची बाधा झाल्याचे समोर आले आहे. त्यामुळे राजकीय वर्तुळात मोठी खळबळ उडाली आहे. यापुर्वी बड्या-बड्या आमदारांना व मंत्र्यांना कोरोनाची बाधा झाली होती. तर अवघ्या काही दिवसात ते ठिक झाले होते. आता या काँग्रेसच्या आमदारांनी नगर येथे वीज वितरण कंपनीच्या अधिकार्‍यांची बैठक बोलविली होती. त्यात त्यानंतर त्यांना श्वास घेण्यासाठी त्रास होऊ लागला होता. दरम्यान ते स्वत: होमक्वारंटाईन झाले होते. मात्र, अधिकचा त्रास होऊ लागल्यानंतर त्यांनी आपला स्वॅब तपासणीसाठी दिला होता. त्यानंतर त्याचा रिपोर्ट पॉझिटीव्ह आला आहे. सध्या त्यांच्यावर उपचार सुरू आहे. मात्र, त्यांच्या या अहवालामुळे राजकीय वर्तुळात मोठी खळबळ उडाली आहे.
आता अनेकांसाठी हा एक धक्कादायक प्रकार असेल. मात्र, हे आमदार नव्याने विधानसभेत गेले आहेत. त्यामुळे त्यांना समाजाप्रती आत्मियता आहे. गोरगरिबांच्या समस्या सोडविण्यासाठी ते नेहमी घराबाहेर पडतात. त्यामुळे त्यांना कोरोना झाल्यामुळे अनेक गोरगरिब लोकांनी मोठी हळहळ व्यक्त केली आहे. विशेष म्हणजे जो काम करतो त्यालाच अडचणी येतात. त्यामुळे अर्थातच काही आमदारांच्या मतदारसंघात शंभर पेक्षा जास्त रुग्ण मिळून आले आहेत. तरी त्यांना काही गांभीर्य वाटत नाही. ते अशा परिस्थितीत मुंबईला आलिशान ठिकाणी राहतात. मात्र, अकोल्यात डॉ. किरण लहामटे हे नवोदीत आमदार पायाला भिंगरी बांधून समाजाच्या हितासाठी दिवसरात्र एक करीत आहेत. इतकेच काय! धनंजय मुंडे, जितेंद्र आव्हाड हे समाजभिमूख मंत्री आहेत. त्यांना समाजाप्रती प्रचंड आत्मियता आहे. त्यामुळे त्यांना देखील उपचाराला सामोरे जावे लागते.
