संगमनेरात एका व्यापार्यासह तिघांना कोरोनाची बाधा, कोरोना शतकाच्या उंबर्यावर!
सार्वभौम (संगमनेर) :
संगमनेर शहरात पुन्हा तीन नव्या रूग्णांची भर पडली आहे. या कुंथुनार सोसायटी येथील अॅरेेंज कॉर्नर येथे एका व्यापार्यास कोरोनाची लागण झाली आहे. तर नवघर गल्ली येथे एका व्यक्तीचा रिपोर्ट पॉझिटीव्ह आला आहे. त्याच बरोबर कोल्हेवाडी रोड येथील एका व्यक्तीचा रिपोर्ट देखील कोरोनाग्रस्त आल्याची माहिती प्रशासनाने दिली आहे. त्यामुळे संगमनेर शहरात एकच दिवशी तीन रुग्ण मिळून आले असून कोरोना बाधितांची संख्या शतकाच्या उंबर्यावर जाऊन पोहचली आहे.
तसेच कोल्हेवाडी रोड येथे ज्या व्यक्तीस कोरोनाची बाधा झाली आहे. त्या व्यक्तीच्या घरात त्याच्या भावास कोरोनाचा संसर्ग झालेला होता. त्यामुळे हा व्यक्ती कोरोना बाधित निघाला आहे. अशी माहिती प्रशासनाने दिली आहे. त्यामुळे, एकाची बाधा दुसर्याला होऊन कोरोनाचा संसर्ग वाढत चालला असून ती तीसर्या स्टेजमध्ये प्रबळ होत चालल्याचे दिसते आहे. त्यामुळे बाहेरुन येणारी व्यक्ती आणि संपर्कात आलेला संशयीत संसर्ग लपवू नको. त्याची माहिती प्रशासनाला द्या.
सुशांत पावसे
