पिंपळगावात पुन्हा दोन कोरोनाचे रुग्ण! हजार लोक होमक्वारंटाईन! तरच उद्यापासून अकोले बंद होऊ शकते..!
सार्वभौम(अकोले) :-
अकोले तालुक्यातील पिंपळगाव खांड येथे आता आणखी दोन रुग्ण मिळून आले आहेत. ही दोघे मुंबई रिटर्ण असून त्यांना प्रशासनाने जिल्हा रुग्णालयात दाखल केले होते. आज त्या दोघांचा अहवाल पॉझिटीव्ह आला आहे. यामुळे पिंपळगाव खांड येथील एक हजार लोकसंखेचे गाव कंटेनमेंट करण्यात आले आहे. तर येथे कोेरोना बाधिंतांची संख्या तीनवर गेली असून आणखी काही संशयिंतांना तपासणीसाठी नेले आहे.
खरे पाहता अकोले प्रशासनाचे हे फार मोठे यश म्हणावे लागेल की, तालुक्यात सहा रुग्ण कोरोना बाधित असल्याचे मिळून आले आहेत. मात्र, त्यात एकही रुग्ण स्थानिक नाही. म्हणजे हे सर्व रुग्ण अकोले तालुक्यात बाहेरुन आलेले आहेे. तरी देखील प्रशासन कसोशीने कोरोनाला टक्कर देण्याच काम करीत आहे.
दुसरी महत्वाची गोष्ट म्हणजे काल अकोले तालुक्याच्या सुरक्षेच्या दृष्टीने अकोले बंद करण्यासाठी स्थानिक पुढार्‍यांनी सोशल मीडियावर आपले मत मांडले होते. मात्र, प्रशासन तसा निर्णय घेऊ शकेल असे वाटत नाही. मात्र, जसे संगमनेर शहर संगमनेर परिवर्तन या सोेशल मीडियाच्या गृपवरील चर्चेनंतर नागरिकांनी स्वयंस्पुर्तीने तीन दिवस शहर बंद ठेवण्याचा निर्णय घेतला. तसे तालुक्यातील पुढार्‍यांनी एकत्र येऊन असा निर्णय घेतला पाहिजे. जर कोरोनाचा प्रादुर्भाव झाला तर प्रशासनाला कमी मात्र, त्याची झळ तालुक्याला बसू शकते. त्यामुळे अकोले बंद ठेवायचे की नाही. हा निर्णय प्रशासनापेक्षा स्थानिक नागरिक व पुढार्‍यांनी एकत्र येऊन घेतला पाहिजे.
- शंकर संगारे
- सागर शिंदे
