तीन दिवसांच्या मृत्युंशी झुंजीनंतर पंचायत समितीचे सभापती दत्तात्रय बोर्‍हाडे यांनी घेतला अखेरचा श्वास!
सर्वाभौम (अकोले) :-
अकोले तालुक्यातील केळी येथे शेतात विहीरीचे काम सुरू असताना तालुक्याच्या पंचायत समितीचे सभापती दत्तात्रय बोर्‍हाडे (वय ५५) हे त्यात पडले होते. त्यात त्यांच्या फुफूसाला मार लागला होता. त्यामुळे त्यांना नाशिक येथे उपचारासाठी नाशिक रुग्णालयात दाखल करण्यात आले होते. आज तीन दिवस त्यांनी मृत्युशी झुंज दिली. मात्र, त्यात ते अपयशी ठरले आहेत. आज बुधवार दि.20 रोजी दुपारी 12 वाजण्याच्या सुमारास त्यांने निधन झाले आहे. त्यामुळे अकोले तालुक्यावर मोठी शोककळा पसरली आहे.
याबाबत सविस्तर माहिती अशी की, दत्तात्रय बोर्‍हाडे हे केळी येथील राहणार आहे. ते गेल्या तीन वर्षापुर्वी पंचायत समितीवर निवडून गेले होते. शांत, संयमी व प्रेमळ स्वभाव म्हणून जनतेच्या मनात त्यांनी मोठे आदराचे स्थान निर्माण केले होते. त्यांची जनतेची सेवा करण्याची आत्मियता पाहून पिचड कुटूंबाने त्यांना सभापती होण्याची संधी दिली होती. अगदी अल्प काळात त्यांच्या सहकार्यासह त्यांनी चांगला जम धरला होता. मात्र, अचानक कोरोनाचे संकट उभे राहिले आणि त्यासह बोर्‍हाडे साहेबांचे आयुष्य देखील स्थिर झाले.
