शरद पवार साहेबांच्या जन्मावर "शतदा प्रेम" करावे.!
 |
धुरंधर |
अकोले (प्रतिनिधी) :-
"पवार साहेब"..! का कुणास ठाऊक.! पण आज फार प्रकर्षाने "फुले, शाहु, आंबेेडकरांची" आठवण झाली. कारण, गेली ३४ दिवस आम्ही जो "सत्तासंघर्ष" पाहत होते. त्यामुळे आपण "सामाजिक अराजकतेकडे" वाटचाल करत आहोत की काय !! या प्रश्नाने "मनाला" प्रचंड वेदना होत होत्या. खरं सांगू.! यात तुम्ही सुद्धा जनतेच्या मनात कोठेतरी "शंकेच्या चष्म्यात" अस्पष्ट दिसत होते. पण, खरोखर.! तुम्हाला समजून घ्यायला १० नाही १०० जन्म घ्यावे लागतील. हेच खरे आहे. साहेब..! तुम्हाला वाटलं असतं तर "भाजप काय" आणि "शिवसेना काय" ! सत्ता तर दोन्हीकडे होती. पण, "माऊली" तुम्ही महाराष्ट्राचा "स्वाभिमान गहान" ठेवला नाही. खरं सांगायचं ठरलं तर अगदी कालपर्यंत या "महाराष्ट्रातून थोर पुरुषांच्या पाऊल खुना बुजून गेल्याचे भासू लागले होते". "पुरोगामी" महाराष्ट्राला "सत्तेचे ग्रहण" लागल्याचे "अभद्र विचार" मनावर नकळत बिंबले जात होते. "इडा पिडा जावो आणि बळीचे राज्य येवो" या वाक्याची "दया" येऊ लागली होती. पण, साहेब..! तुम्ही खरोखर "जाणता राजा" म्हणून धावून आलात. खरंतर राज्यात "महायुती" सत्ता स्थापन करु शकली नाही तोवर काही वाटले नाही. इतकेच काय ! राज्यात "राष्ट्रपती राजवट" लागली. तरी मनाला यत्किंचितही वाईट वाटले नाही. पण, त्यानंतर जे काही पहायला मिळाले. ते खरोखर "लोकशाहीचा गळा" घोटण्यासारखे होते. पाहिलत ना..! "सत्तापिपासू" लोक "पुन्हा येण्यासाठी" कोणत्या थराला जाऊ शकतात.? किती हा अट्टाहास ? साहेब.! खरोखर कधी नव्हे गेली ३३ दिवस "लोकशाहीला अगदी नग्न" करताना दिसू लागले होते. साहेब.! कधी नव्हे इतका "सत्तेचा आणि पदांचा उन्माद" उघड्या डोळ्यांना पहायला मिळत होता.
 |
तुलना नाही.! खरी आदरांजली..! |
 |
छत्रपती राजे अन पवार मावळे |
मी "अभ्यासू" नसेलही पण "अभ्यासक" जरुर आहे. मला प्रचिती आहे. आजवर जे-जे 'महान' झाले. त्यानी स्वत:साठी काहीच केले नाही. जी तळमळ होती. ती तेवळ रयत व "स्वराज्यासाठी" होती. त्या चौकटीत साहेब.! तुम्ही अगदी फिट्ट बसता. तुम्हाला वाटलं असतं तर तुम्ही भाजप सोबत गेले असते. तुमचा कोण वाली होता.? चौकशा, बारा भानगडी आणि बरेच काही मातीत मिसळून गेले असते. कदाचित दिल्लीत "झुकले" असते तर "राष्ट्रपती" झाले असते. इतकेच काय. ! "लेकीला लाल दिव्याच्या" गाडीत मिरवताना "बाप" म्हणून किती "उर" भरुन आला असता. पण नाही.! दिल्लीच्या तख्तापुढे "पुतण्या झुकला" तरी ८० वर्षाच्या "योद्ध्याने" तिन पक्षांची "खिंड" एकट्याने लढविली आणि बाजी देखील मारली. वा..! काय तो "डौल" म्हणायचा. तुम्हाला पाहिलं की कालपर्यंत "कपाळाच्या भुवया" जमा व्हायच्या. काय चाल असावी यांची असे म्हणून "डोक्यावरची केसं" ताईट व्हायची. पण, आज तुम्हाला पाहुन "छाती वृदावते"..! अंगावर शहारे उमटून "केसांचा देखील कणा अगदी ताट" होतो. पुतण्याची "दगाबाजी" झाली आणि ५४ आमदार जणू "भुमिगत" झाले. तरी, तुमचा रुबाब अगदी "सह्याद्रीसारखा ताठ" होता. तुम्ही स्वत:ला सांगत होते. "मोडून पडला संसार, तरी मोडला नाही कणा. पाठीवरती हात ठेऊनी फक्त लढ म्हणा"..! आणि तुम्ही लढलात देखील तसेच. ज्या वैऱ्याने "रात्रीच्या अंधारात" तुमच्या "पाठित खंजिर" खुपसला. अगदी त्याच वैऱ्याने "भर दुपारी" तुमच्यासमोर "गुढगे टेकले". याला म्हणतात "युद्ध"..! आणि इतके सगळे होऊन देखील तुम्ही "फितुरीला पदरात" घेतलं. याला म्हणतात "कर्ण".!
 |
सूर्यपुत्र कर्ण, दानशूर पवार |
 |
भाजपचा टाईम ऑफ..! |
 |
तो बघ महाराष्ट्र माझा.! |
साहेब.! तुम्हाला देखील कल्पनाही नसेल. हे जे काम तुम्ही केले आहे. ते कोण्या "पक्षाची युती" नाही. तर, "जात, धर्म, वर्ण" यांच्यावर घातलेला "घाव" आहे. त्यामुळे, तुम्हाला मी "अवतार" म्हणणार नाही. पण, तुम्ही देखील एक "महामानव" आहात. यावर मी ठाम आहे. आजवर जी लोकं "संविधानावर चिखलफेक" करत होते. आज ७० वर्षाच्या प्रदिर्घ काळानंतर त्या संविधानाने "अन्याय के खिलाफ" देर हैं। लेकीन "अंधेर" नाही। हे सिद्ध करून दिले आहे. ते ही "संविधान दिनाच्या" दिवशी. फक्त लढणारा "शरद पवारांसारखा योद्धा" पाहिजे. साहेब.! तुमच्या "धैर्याला" पाहुन डॉ. बाबासाहेबांची छाती "गौरवाने" फुगली असेल. कारण, ते म्हणत असे. "संविधान कितीही वाईट असो". फक्त त्याला "हताळणारे" लोक "चांगले" हवे. त्या चांगल्यापैकी एक "कायदेतज्ञ" हिरा म्हणजे पवार साहेब होय. बाकी वाईट कोण हे सांगण्याची गरज राहिली नाही. ते जनतेने पाहिले आहे. साहेब ! तुमचे मनस्वी "आभिनंदन".! "ईडा पिडा" गेली आणि "बळीचे राज्य" आले. आता फक्त "शेतकरी" आणि "तरुणांचे मायबाप" होऊन पुन्हा बांधावर या. ! कारण, ते फार अतुरतेने तुमची वाट पाहत आहेत.
 |
पवार साहेबांवरील कविता |
- सागर शिंदे
=============
"सार्वभाैम संपादक"
सागर शशिकांत शिंदे
सागर शशिकांत शिंदे
Rajratna.sagar@gmail.com
-------------
(देशात, राज्यात व तालुक्यात होणाऱ्या राजकीय, सामाजिक, आर्थिक व गुन्हेगारी विषयाचे विश्लेषण करणारे एकमेव "सार्वभौम पोर्टल" १०० दिवसात २०७ लेखांचे १४ लाख २ हजार वाचक)
