"राष्ट्रवादी" काँग्रेसमध्ये "विलीन" होते की !, "काँग्रेस" राष्ट्रवादीत !! थोरातांवर पवारांचा दबाब...?!
साहेब !! तुम्ही म्हणाल तसं
संगमनेर (प्रतिनिधी) :-महाराष्ट्रातील बहुचर्चित इंदापूरची जागा आघाडीत चर्चेचा विषय ठरला आहे. काँग्रेस प्रांत अध्यक्ष बाळासाहेब थोरात या जागेसाठी कुठलीही ठोस भूमिका पवारांच्या पुढे घेतांनी दिसत नाही. थोरतांनी अजुनही राष्ट्रवादीकडे इंदापूरची जागा आमचीच आहे. आणि ती आम्ही लढवणारच असे ठणकावून सांगण्याचे देखील धाडस केले नाही. पवारांन पुढे थोरात नेहमी सरेंडर होतात.असेच चित्र आता महाराष्ट्रला दिसत आहे. असे राजकीय विश्लेषकांकडून बोलले जात आहे. काँग्रेसमध्ये विखेंना विरोधी पक्षनेते पद मिळाल्यानंतर थोरतांनी व्यक्तिद्वेषातून काँग्रेसमध्ये गटबाजीचे राजकारण केल्याचा आरोप त्यांच्यावर केला गेला. या दरम्यान पृथ्वीराज चव्हाण, हर्षवर्धन पाटील व बाळासाहेब थोरात यांनी दिल्लीला प्रस्ताव दिला होता. की, हर्षवर्धन पाटील यांना प्रदेश अध्यक्ष व बाळासाहेब थोरात याना विरोधी पक्षनेतेपद असे साकडे दिल्ली दरबारी घातले होते. परंतु, त्यावेळेस हा प्रस्ताव काँग्रेस ज्येष्ठांनी फेटाळून लावला.
एक बालहट्टाने, दोन पक्ष अस्थित
त्यानंतर नगर दक्षिण लोकसभा मतदार संघाची जागा ज्यावेळेस काँग्रेसकडे ना. विखे मागत होते तेव्हा अखिल भारतीय काँग्रेस कमिटीचे सदस्य बाळासाहेब थोरात हे विखेना जागा सोडू नका. असे शरद पवार यांना सांगत होते. असे खुद्द पवारांनीच याची कबुली दिल्याचे आपण पाहिले आहे. एवढेच काय अनुराधा नागवडे यांना राष्ट्रवादी काँग्रेसमध्ये जाण्यासाठी प्रेरित केले. हे देखील राजेंद्र नागवडे जाहीरपणे बोलून गेल्याचे दिसले आहे. तर काँग्रेसचा खासदार निवडून आला नाहीतरी चालेल. पण, विखेना व्यक्तिद्वेषातून विरोध करायचाच हा निर्धार थोरात यांचा होता असा आरोप त्यांच्यावर राजकिय वर्तुळातून होत आहे. विखेना विरोध करून आपले महत्व वाढवून घेण्याच्या नादात पक्षाचे किती नूकसान झाले याचाही विचार त्यांनी केला नाही. असा सुर खुद्द काँग्रेसमधून बाहेर पडू लागला आहे. शिर्डी लोकसभा मतदारसंघात भाऊसाहेब कांबळे यांना जवळ करून विखेना शह देण्याचा केलेला प्रयत्न अयशस्वी ठरला. कारण, काँग्रेसचे राष्ट्रीय अध्यक्ष राहूल गांधी संगमनेरला आले त्याचदिवशी जिल्हाध्यक्ष करण ससाणे यांनी जिल्हाध्यक्ष पदाचा राजीनामा देवून थोराताना धक्का दिला. कांबळे व ससाणे यांच्यामागे वादाची किनार असली तरी. थोरात यांनी आजपर्यंत जिल्ह्यात सोयीनूसार कार्यकर्त्यांचा केलेला वापर लपून राहीलेला नाही. असे काँग्रेस अंतर्गत गटबाजीचे मत आहे. |
| विश्वासघात... मी लोकसभेला 78 हजारांची मदत केली आता विसरले का...ताई ? |
 |
मी..माझा बालहट्ट दाखवला तुमचं काय? |
मात्र, काँग्रेस नेत्रुत्वावार प्रश्नचिन्ह कायम राहणार आहे. एकीकडे राष्ट्रवादी डॉ. कोल्हे, अमोल मिटकरी, धनंजय मुढे, जितेंद्र आव्हाड, रोहित पवार, पार्थ पवार अशी तरुणांची फौज घेऊन लढत आहे. तर दुसरीकडे अवघ्या सहा महिन्यापुर्वी आल्या उर्मीला मतोंडकर यांनी पक्षातील मतभेदामुळे काँग्रेस पदाधिकाऱ्याचा राजिनामा दिला आहे. तसेच सिंग, जाधव, शंकर यांनी बंडाचे निशान हाती घेतले आहे. इतकेच काय, तर वंचित आघाडी, मनसे व अन्य मित्रपक्षांचे देखील मन वळविण्यात ते आजवर अपयशी ठरल्याचे दिसते आहे. त्यामुळे सगळेच शरद पवार साहेब करणार आहेत. तर प्रदेशाध्यक्ष म्हणून आपली भुमिका काय ? असा प्रश्न जनतेच्या मनातून बाहेर येऊ लागला आहे. कालवर काँग्रेसमध्ये राष्ट्रवादी विलीन करून पवार साहेबांकडे नेत्रुत्व देण्याच्या चर्चा सुरू होत्या. ही त्याची नांदी म्हणायची. की, महाराष्ट्रात काँग्रेसच राष्ट्रवादीत विलीन करायचा विचार राज्याचे काँग्रेस नेते करीत आहे. हे देखील कळायला तयार नाहीत.===============
-- सुशांत पावसे
( संगमनेर प्रतिनिधी)
====================
"सार्वभाैम संपादक"
- सागर शिंदे
8888782010
-------------
(देशात, राज्यात व तालुक्यात होणाऱ्या राजकीय, सामाजिक, आर्थिक व गुन्हेगारी विषयाचे विश्लेषण करणारे एकमेव "सार्वभौम पोर्टल" ५८ दिवसात १०३ लेखांचे ५ लाख ६० हजार वाचक)
----------------------
