चालते व्हा.! भर सभेत तलाठ्याचा "पंचनामा".! संगमनेरात शेतकऱ्यांना नोटीस.! थोरातांसह संघटनाही चूप.!
 |
चालते व्हा गावातून..! |
एकीकडे "अवकाळी" पावसाने संपूर्ण महाराष्ट्रात हैदोस घातला होता. तर दुसरीकडे राज्यात सत्ता स्थापनेसाठी मॅरेथॉन बैठका सुरु होत्या. अखेर तत्व, पक्ष, विचार आणि मैत्री या सगळ्या शब्दांना ढाब्यावर बसवून तिघांनी सत्तेची समिकरण जुळविली व राज्याला अनपेक्षित त्रिशंकू सरकार बहाल केले. याच दरम्यानच्या काळात शेतकरी अक्षरश: आश्रू ढाळत असताना शरद पवार मातीत उतरले. तोवर भाजप व शिवसेनेत घटस्पोटाचे वारे वाहत होते. तर, काँग्रेस बघ्याच्या भुमिकेत होते. पण, महाराष्ट्राची गादी मिळताच सेनेचा अतृप्त आत्मा स्थिर झाला आणि अजब सरकार स्थापन झाले. त्याच काळात उद्धव ठाकरे आणि शरद पवार यांनी शेतकऱ्यांना जवळ करत कनवळा दाखविला होता. त्यामुळे शेतकऱ्यांना मोठा दिलासा देणारी घोषणा होईल असे वाटले होते. मात्र, सत्तेच्या चाव्या हाती आल्यानंतर २ लाखांची कर्जमाफी घोषित केली. पण, अवकाळी पावसाने प्रत्यक्षात खऱ्या अल्पभुधारक व कष्टकरी, शेतकऱ्यांच्या पिकांचे पंचनामे झालेत की नाही.! त्यांना मदत मिळते की नाही, प्रशासन योग्य काम करते की नाही ? हे कुठल्याही लोकप्रतिनिधींना पडताळुन पहावेसे वाटले नाही. या सत्तेची लालसा असणाऱ्या सरकारची खरी पोलखोल चक्क महसुलमंत्री ना. बाळासाहेब थोरात यांच्या कार्यक्षेत्रात येणाऱ्या तळेगाव झाली.! वा रे.! उद्धवा, अजब तुझे सरकार.! कारण, या तळेगाव गटात तालाठी महोदयांनी चक्क ८० टक्के पिकांच्या नुकसानीचे पंचानामेच केले नाहीत. मग यांना भरपाई मिळणार तरी कशी ? मग काय.! हे उघड झाल्यानंतर तळेगाव, जुनेगाव, आरामपुर, आजामपुर, हासनाबाद ही पंचकृषी गप्प राहिल तरी कशी ? त्यांची काळजी कोणाला ? कारण, ज्यांना निवडून दिलेले असते, त्यांना काही करा अथवा नका करु. पण महिन्याला कमाल २ लाखांचा पगार मिळतो. पण, खरिपाचं पिक म्हटलं तरी किमान चार पाच महिने तरी शेतकरी मर-मर मरतो. तेव्हा कोठे पाच पंन्नास हजार मिळाले तर मिळतात. नाहीतर, तो बिचारा कष्टाचा धनी.! त्यामुळे, कष्टाची किंमत बीएमडब्लु व एसीत बसून फिरणाऱ्या नेत्यांसह अधिकाऱ्यांना काय कळणार.? अर्थात हे कोण्या समाजकल्याण मंत्र्याच्या भागात झालं असतं तर त्याला फारसे महत्व नसते. पण, हे चक्क घडलय माजी कृषीमंत्री, ज्यांना शेती आवडते म्हणून त्यांनी विलासराव देशमुख यांच्याकडून कृषि खातं मागवून घेतले होते. हे घडलय चक्क त्या महसुलमंत्र्यांच्या तालुक्यात की ज्यांच्या ताब्यात प्रत्येक जिल्ह्यातील कोतवालापासून तर कलेक्टरपर्यंत सगळे अधिकारी खिशात असतात. म्हणून तर खेद व्यक्त केला जात आहे.
 |
हॉप्पी बिर्थडे साहेब.! |
 |
ज्याचंं जळतं ना.! त्यालाच काळतं.! |
आता हे सर्व काम तातडीने होणे आवश्यक होते. त्यासाठी लोकप्रतिनिधी आणि प्रशासन यांनी उदार मतवादी होऊन प्रांजळपणे बळीराजाला हात देणे गरजेचे होते. पण, झाले काय ? संगमनेर सारख्या दुष्काळी म्हणजे गरज असलेल्या भागात काय झाले ? केवळ "लालायलू" करत काही ठिकाणी पंचनामे झाले. तर, काही ठिकाणी झालेच नाही. येथे महसुलला वाळुचा मलिदा हवा.! पण, शेतकऱ्यांचे हित नको. येथे महसुलला वर्ग २ च्या जमिनी वर्ग १ मध्ये करून घेण्यात स्वारस्य आहे.! पण, शेतकऱ्याच्या जमिनीत उध्वस्त झालेल्या पिकांच्या नुकसानीचे पचनामे करण्यात इंन्ट्रस नाही, येथे महसुली चंदा गोळा करण्याची पद्धत रुढ आहे, पण, शेतकरी उन्नतीकडे कोणाचे लक्ष नाही. अर्थात तालुक्यात बहुतांशी ठिकाणी प्रामाणिक अधिकाऱ्यांनी आपली भुमिका चोख बजावली आहे. पण, काही ठिकाणी अज्ञान शेतकऱ्यांना किती मोठा तोटा सहन करावा लागला आहे. म्हणून अशा बेजबाबदार व्यक्तीच्या विरोधात तळेगावकर रस्त्यावर उतरले आणि प्रशासनाला जाब विचारु पाहिला. मात्र, तलाठी महाशयांकडून समाधानकारक उत्तर मिळाले नाही. म्हणून संतप्त बळीराजाने चला चालते व्हा येथून असे म्हणत शेतकऱ्याचा कोणी बाप नाही.! अन तो कोणाचा गुलाम नाही हे छाती ठोकून सांगितले. आता प्रशासनाची चुक होती, शेतकरी संतप्त होते, कारण, कष्टाला मातीमोल किंमत मिळाली होती. त्यामुळे, जमावाचे मानसशास्र लक्षात घेता या महाशयांनी शांततेची भुमिका घेणे आवश्यक होती. तर, संघटनेने संयम बाळगणे महत्वाचे होते. पण, तसे झाले नाही. तलाठ्यास अपमानस्पद वागणूक आणि उलटपक्षी शेतकऱ्यांनाच अरेरावी असे आरोप प्रत्यारोप झाले. आता यात प्रांताधिकारी महोदय व खुद्द महसुल मंत्र्यांनी तोडगा काढणे महत्वाचे होते. साहेबांच्या एका फोनमुळे सगळ्या प्रश्नावर पाणी पडले असते. पण, प्रांताधिकाऱ्यांनी शेतकऱ्यांना नोटीसा काढत चर्चेला बोलविले. या रंगविलेल्या कागदी घोड्यांमुळे शेतकरी अधिक आक्रमक झाले आणि गाव बंद करत तलाठ्यावर कडक कारवाई करून त्यांची बदली करण्याची मागणी केली.
 |
तळेगाव कडकडीत बंद.! |
- सुशांत पावसे
(संगमनेर प्ररतिनिधी)
=============
"सार्वभाैम संपादक"
सागर शशिकांत शिंदे
सागर शशिकांत शिंदे
Rajratna.sagar@gmail.com
-------------
(देशात, राज्यात व तालुक्यात होणाऱ्या राजकीय, सामाजिक, आर्थिक व गुन्हेगारी विषयाचे विश्लेषण करणारे एकमेव "सार्वभौम पोर्टल" २०० दिवसात २८५ लेखांचे १७ लाख ५० हजार वाचक)
