संगमनेरात घृणास्पद प्रकार.! तरुणीच्या गुप्तांगाला दिले उलाथनीने चटके.! तोंड वासवून विषारी औषध दिले.! तिघांवर गुन्हा दाखल.!
मुलाची जिंदगी बरबाद केली म्हणून संगमनेर शहरात एका 19 वर्षीय तरुणीला घरात कोंडून तिच्या गुप्तांगाला उलाथनीने चटके दिल्याचा प्रकार समोर आला आहे. ही घटना मंगळवार दि. 19 रोजी सायंकाळी 4 वाजण्याच्या सुमारास अकोले नाका परिसरात घडली. याप्रकरणी संगमनेर शहर पोलीस ठाण्यात दोन महिलांसह एक पुरुषावर गुन्हा दाखल करण्यात आला आहे. हे प्रकरण दाखल होताच पोलिसांनी दोन महिलांना अटक केली असून एक पुरुष अद्याप पसार आहे. दरम्यान, आजकाल संगमनेरात फारच धक्कादायक प्रकार समोर येत असून पुन्हा-पुन्हा महिलांच्या सुरक्षेचे प्रश्न ऐरणीवर येत असल्याचे बोलले जात आहे.
याबाबत सविस्तर माहिती अशी की, पीडित मुलगी ही एका कापड दुकानात काम करीत होती. तेव्हा तिची ओळख एका तरुणाशी झाली होती. त्यानंतर त्यांच्यात शरिर संबंध झाले आणि ती त्यातून गरोदर राहिली होती. त्यामुळे, संबंधित तरुणाने आपल्याशी लग्नाचे वचन दिल्यामुळे त्यांचे एकमेकांवरील प्रेम कायम राहिले. मात्र, हा प्रकार मुलाच्या घरच्यांना मान्य नव्हता. यात मुलाचे वय 21 वर्षे नसल्याने तो वयात येताच लग्न करुन देण्याचे लेखी घेण्यात आले होते. तेव्हापासून पीडित मुलगी ही तिच्या घराच्यांसोबतच राहत होती. या दरम्यान मंगळवारी ती चिकन आणण्यासाठी अकोले नाका येथे गेली असता तिला मुलाकडील एक व्यक्ती भेटला आणि तो म्हणला की, तुला तुझी कागदपत्रे, आधारकार्ड परत देतो. या अमिषापोटी ही मुलगी त्याच्या गाडीवर बसली आणि ते घरी गेली. असे फिर्यादीत म्हटले आहे.
दरम्यान, घरात गेल्यानंतर तेथे अन्य दोन महिला घरातच बसलेल्या होते. जेव्हा पीडित मुलगी आत गेली तेव्हा मागे एका व्यक्तीने घराची कडी लावून घेतली. तर तिने पळ काढू नये म्हणून एक पुरुष दरवाजाच्या कडीला आडवा उभा राहिला. त्यावेळी दोन्ही महिलांनी पीडित तरुणीस खाली पाडले व म्हणल्या की, आम्ही आता तुला जिवंत सोडणार नाही. तु आमच्या मुलाची जिंदगी बरबाद केली आहे. असे म्हणत अश्लिल शब्दांचा वापर करुन शिविगाळ दमदाटी केली. त्यावेळी रागाच्या आवेशाने आरोपी महिलांनी संबंधित तरुणीला खाली पाडून स्वयंपाक घरातील उलाथनी गॅसवर तापवून तिच्या गुप्तांगावर चटके दिले. त्यामुळे, एक महिला असताना देखील त्यांने जे काही कृत्य केले. त्याबाबत सामाजिक स्थरातून निषेध नोंदविला जात आहे.
अर्थात हा प्रकार येथेच थांबला नाही. तर, आरोपी महिलांनी त्यांच्या घरातील विषारी औषधाची बाटली फोडून एक महिलेने पीडित तरुणीच्या तोंडात बोट घालुन आ करण्यास भाग पाडले आणि दुसर्या महिलेने ते औषध तोंडात ओतण्याचा प्रयत्न केला व म्हणाली की, तुला मी जिवंत सोडणार नाही. तुला ठार मारल्याशिवाय आम्हाला सुख मिळणार नाही. असे म्हणत गुप्तांगावर चटके आणि औषध पाजून तिला ठार मारण्याचा प्रयत्न केला. या प्रकारानंतर पीडित मुलीवर उपचार करण्यात आले आहे. तिने दिलेल्या फिर्यादीनुसार संगमनेर शहर पोलीस ठाण्यात गुन्हा दाखल करण्यात आला असून तिघांपैकी दोघींना अटक करण्यात आली आहे.
