सगमनेरात आज सात नवे रुग्ण तर अकोल्यातील कोतुळ परिसरात कोरोनाची बाधा.!

 

सार्वभौम (संगमनेर) :-
               संगमनेर तालुक्यात आज नव्याने ०७ रुग्ण मिळून आले. आहेत. तर पारनेर तालुका आणि नगर शहरातील प्रत्येकी दोघेजण तर अकोले तालुक्यातील एक जण बाधिण कोरोना बाधित रुग्ण मिळून आले आहेत. त्यामुळे, नागरिकांमध्ये चांगलीच खळबळ उडाली आहे.

       संगमनेर तालुक्यातील कोल्हेवाडी रोड येथील 44 वर्षीय आणि 60 वर्षीय पुरुषाला कोरोनाची लागण झाली आहे. तर संगमनेर शहरातील राजवाडा भागातील 38 वर्षीय महिला बाधित असल्याचा रिपोर्ट प्राप्त झाला आहे. तसेच दिल्ली नाका येथील 42 वर्षीय पुरुष तर नाईकवाडपुरा येथील 65 वर्षीय महिला आणि 36 वर्षीय पुरुष त्याच प्रमाणे भारत नगर येथील 70 वर्षीय पुरुष यांचा अहवाल पॉझिटिव्ह.

      त्या पोठोपाठ पारनेर तालुक्यातील गोरेगाव येथील 30 वर्षीय पुरुष आणि  भोयरे पठार येथील 28 वर्षीय पुरुष यांचा कोरोना अहवाल पॉझिटिव्ह आला आहे. यापूर्वीच्या बाधित झालेल्या व्यक्तीच्या संपर्कामुळे झाली लागण झाल्याचे समोर आले आहे.
तसेच नगर शहरातील झेंडीगेट येतील 54 वर्षीय पुरुषाला तर नालेगाव येथील 58 वर्षीय महिलेला कोरोनाची बाधा झाल्याचे समोर आले आहे.
तर अकोले तालुक्यातील कोतूळ येथील 48 वर्षीय पुरुषाचा अहवाल पॉझिटिव्ह असल्याची माहिती जिल्हा प्रशासनाने दिली आहे.

      दरम्यान, आज सकाळी अहमदनगर जिल्ह्यातील 8 रुग्णांना आज डिस्चार्ज मिळाला असून कोरोनावर मात करून ते घरी परतले आहेत. नगर शहरातील 4, राहाता येथील 30 आणि संगमनेर येथील 1 रुग्ण बरा. कोरोनातून बरे झालेल्या रुग्णांची संख्या आहे. त्यामुळे आता बरे झालेल्यांची संख्या 245 वर जाऊन पोहचली आहे.