पक्षाची "कारवाई" हसत "स्विकारेल", परंतु "अकार्यक्षम" आमदारांना "हात" देणार नाही..!!
अकोले (प्रतिनिधी) :-
अकोले तालुका हा नगर जिल्ह्यात "क्षेत्रफळाच्या द्रुष्टीने सर्वात मोठा" आहे. येथे इतर तालुक्यांच्या तुलनेत जास्त निधी येतो. झेडपी, बांधकाम, पंचायत समिती, आमदारकी, ग्रामपंचायती अशा अनेक ठिकाणी सत्ता काँग्रेस-राष्ट्रवादीची होती. पण, पिचड साहेब म्हणाले. विकासकामे होत नाहीत. पण, केवळ सत्तेत नाही. म्हणून जर तुम्ही विकास खुंटला असे म्हणाल. तर, खरोखर हे कारण ज्याला पटले. त्याच्या बुद्धीची किव करावी लागेल. किंवा ज्याने सांगितले त्याच्या. कारण, तुम्ही लक्षात घ्या. शेजारी संगमनेर तालुका पहा. बाळासाहेब थोरात देखील विरोधी पक्षातच होते ना ? बच्चू कडू विरोधातच होेते ना ? ११ वेळा संसद लढविणारे गणपतराव देशमुख विरोधी पक्षातच होते ना. तरी त्यांनी आपल्या मतदारसंघात काय विकास केला. हे साहेबांनी दौरा करु पहावे. मग कळेल विकास म्हणजे काय असतो. विकास-विकास आणि त्यावर आरोप प्रत्यारोप करत-करत तुम्ही "विकास वेडा" केला आहे. हेच वास्तव जनतेने पाहिले आहे. म्हणून आता ही निवडणूक विरोधक आणि "पिचडशाही" अशी नाही. तर जनता आणि "पिचड" अशी झाली आहे. हे जर अजूनही लक्षात आले नसेल. तर, त्याचे उत्तर मिळायला अगदी बोटावर मोजता येतील इतकेच दिवस राहिले आहे.
अकोले तालुक "दुर्गम" भाग आहे. आजही वाडी वस्तीत लाईट नाही. आहो. धक्कादायक वाटेल. पण, आदिवासी भागात जर महिला डिलेवरीला आली. तर अक्षरश: झोळी करून रस्त्यापर्यंत आणावे लागते. गाडी भेटली तर ठिक. नाहीतर दवाखान्यात पोहचेपर्यंत "रस्त्यात प्रसुती" होऊन बाळाचा आवाज कानावर पडतो. साहेब..! हा आहे का आमचा ४० वर्षाचा विकास ? जीव गेेला तरी पुढील काही वर्षानुवर्षे आदिवासी भागात कोण्या मुलाचे नाव आम्हाला "विकास" ठेऊ वाटणार नाही. इतकी "दहशत" या शब्दाने केली आहे. तालुक्याची ओळख पुर्वी कळसुबाई होती. आता, खड्ड्यांचा तालुका म्हणून अनेक पर्यटकांनी राज्यभर ओळख निर्माण करुन दिली आहे. यात "मोलाचा वाटा" साहेब तुमचाच आहे. जेव्हा कोणी मुंबईकडून येताना इगतपुरी सोडतो. तेव्हा गाढ साखर झोपेत असला तरी तो जागा होतो. कारण, घोटी नंतर अकोल्याची हद्द लागते आणि गाड्या रस्त्यावर "शराबी" सारख्या "डोलू" लागतात. इकडे संगमनेरहुन निघाले आणि "खडखड" गाडी वाजली की, समजून जायचे. अकोल्याची हद्द सुरु झाली आहे. हाच आमचा विकास आहे का ? जेव्हा साहेब म्हणतात गेली पाच वर्षात आम्ही फक्त ३ किलोमिटर रस्ता करू शकलो. तेव्हा खऱ्या अर्थाने या तालुक्यात "परिवर्तन" झाले पाहिजे. असे प्रकर्षाने वाटते.
आढळा परिसरात पाण्याची परिस्थिती अत्यंत बिकट आहे. वेळ आली तर, ४० रुपयांचे पाणि तेथे विकत घ्यावे लागते. ज्या अकोले तालुक्याला सुजलाम सुफलाम म्हणावं वाटतं. तेथील जनावरे सिन्नर सारख्या ठिकाणी चारा छावन्यांमध्ये न्यावे लागतात. यापेक्षा तालुक्याला अजून किती वाईट दिवस पहायचे आहे.? आमच्याकडे "झिंग्यांना" सदन करायला पाणि आहे. मात्र, शेतकऱ्यांना प्यायला पाणि नाही. म्हणजे मानसे, जनावरे मेली तरी चालतील. पण, "झिंग्या" जगल्या पाहिजे. असा दुरदृष्टीकोण आजवर कोठे आम्ही पाहिला नाही.
 |
ओ..! नो..! धरणातून थेट राजकारणात ! |
 |
काय सही बोलतोय हा !! |
-- सागर शिंदे (शब्दांकन)
===============
"सार्वभाैम संपादक"
- सागर शशिकांत शिंदे
Rajratna.sagar@gmail.com
-------------
(देशात, राज्यात व तालुक्यात होणाऱ्या राजकीय, सामाजिक, आर्थिक व गुन्हेगारी विषयाचे विश्लेषण करणारे एकमेव "सार्वभौम पोर्टल" ७० दिवसात १४० लेखांचे ८ लाख वाचक)
